Galería de Cervo

Galería Cervo Sargadelos

Esta Galería inaugurouse na mesma data e lugar que a fábrica de cerámica de Sargadelos: no concello de Cervo da Mariña luguesa en maio de 1970. Ademais das pezas e libros actuais, alí pódense ollar as antigas louzas de Sargadelos, dos séculos XIX e XX, e unha ampla mostra de cerámica popular española e estranxeira.

Correo: sargadelos@sargadelos.com
Teléfono: 982557686 // 982557841
Fax: 982 981 584

Horario:

Luns a venres de 9:30 a 19:00 h.

Sábados de 11:00 a 14:00 h e de 16:00 a 19:00 h.

Domingos de 11:00 a 14:00 h.

Visita gratuíta á fábrica de Cervo:

É posible visitar a planta de produción de maneira libre e gratuíta durante todo o ano, sen acompañamento de guía, de luns a venres laborables en horario de 8:30 h a 14:30 h.

Unicamente será necesario realizar reserva previa no caso de visitas guiadas para grupos de máis de 10 persoas. Para iso debe chamar ao teléfono de Atención ao Cliente 982 557 841 ou tamén pode solicitalo vía email en sargadelos@sargadelos.com.

Durante os meses de xullo e agosto poderanse realizar visitas guiadas sen necesidade de reserva previa nos seguintes horarios:

-Fábrica de Sargadelos en Cervo (Lugo) ás 11:00 h e á 13:00 h de luns a venres laborables.

Durante a visita, cunha duración estimada de entre 30 e 40 minutos, o visitante poderá coñecer cada un dos procesos polos que pasa unha peza de Sargadelos, ata converterse nunha peza única de porcelana da máis alta calidade. Trátase dun proceso moi laborioso, case artesanal e de gran complexidade manufactureira que se mantivo vivo durante séculos e que constitúe un tesouro en si mesmo.

Dirección: Paraño, s/n; 27891 Cervo (Lugo).