Colección en relieve
As formas en relieve son características da Planta do Castro de Samoedo onde, en tempos, se creou unha amplia variedade delas, inspiradas en elementos orgánicos ou arquitectónicos.
Colección Magdalena
Trátase de formas concebidas baixo o influxo de ideas con intención innovadora e asociadas ao racionalismo imperante nos anos sesenta do século pasado.
Colección paxárica
Esta forma, moi intelectualizada, incorpora elementos de xeración xeométrica hiperboloide, sobre a que se aplican decorados que responden a síntese e actualizacións de formas que tiveron vixencia na cultura popular e na cultura culta de Galicia.
Colección tradicional
A colección tradicional recolle unha serie de formas de superficies lisas, que se prestan para aerografiar, mediante estarcidos, distintos decorados baixo cuberta.